Gin Lee李幸倪今年密密出歌，日前更衝出亞洲，受邀飛到匈牙利布達佩斯出show，演出期間，Gin一連唱了《Dum Dum》、《很堅強》及《今天終於一人回家》三首歌，台下反應熱烈。
【新聞有價 記者有格 立即訂閱：https://bit.ly/3wGQh7c】
今次是Gin第二次到匈牙利，多年前她亦曾到布達佩斯演出，順道與家人旅行，但記憶已很模糊，因此今次特意拍攝很多相片和影片，預備放在vlog播出。
由於已非第一次去匈牙利，Gin「導遊上身」，上網做足功課帶領同事四處吃喝，又去當地市集shopping。「因為這是一個好靚、好有歷史的building，當地人及遊客都會去，而當地人會去買餸、買香料，遊客就會買手信，我哋都行咗好多個鐘，行到對腳好攰。」
問到在當地有沒有艷遇，Gin即時落閘：「梗係冇啦！」但她指街拍時被眾多途人圍觀，更被一位叔叔偷拍，「有個叔叔甚至企在我兩步距離位置，碌大眼望實我影相，我就好尷尬，我望向同事，同事就『睥』返佢，跟住對方才走，但行多兩步又在扮selfie，其實係影我，可能係……我太靚啦，冇辦法，哈哈哈哈！呢個都幾搞笑。」
除此之外，時差亦嚴重打亂她一向嚴謹的飲食時間，Gin指當地慢香港5、6小時，加上坐機及轉機等，到達後生理時鐘已經亂了，半夜才食晚餐，凌晨3、4點仍在街上，最後Gin決定「放棄人生」，實行入鄉隨俗，不過回港後又要再次適應香港的起居飲食時間。
回港後Gin要回到嚴謹的減肥餐單，因為又要拍新歌MV、入錄音室錄音及有拍攝工作，所以自言要好勤力準備減肥。
