嘮動新聞

良心店基隆茶餐廳告急!入不敷支寧拖租都要出糧 網民發起「唔使找」行動!老闆娘﹕捱唔到好耐 希望捱到今年!經常派飯畀基層、新年曾派盆菜!

出版: 2022-06-18 13:42
再有良心食店告急!疫情之下不少食肆經營困難,一直向露宿者派飯的基隆茶餐廳昨日(17日)亦在fb表示,每月收入與支出不相稱,同時要按時向員工出糧,唯有拖延交付租金。帖文的hashtag透露,基隆今天(18日)開始無奈地加價2元,希望一眾食客見諒。
【新聞有價 記者有格 立即訂閱:https://bit.ly/3wGQh7c
良心小店基隆茶餐廳經常派飯給弱勢社群,大時大節更要派得特別厲害,例如今年的農曆新年就派一人份盆菜、雞蛋,還有其他良心店送來的產品,難怪很多人一知道消息就絞盡腦汁諗辦法,希望可以幫到基隆渡過難關!Mee懲罰師指幫襯基隆埋單掃MeeCode會有雙倍積分,希望大家大大力「懲罰」基隆。
Channel C記者到基隆茶餐廳和Cat姐傾談了解情況,她指疫情令生意跌了最少三成,最厲害時無堂食就五成,「頂得幾耐就做幾耐,因為糧最重要,業主點追我,我也係先出糧。」Cat姐話現在一個月租金大約8萬多,曾經跟業主商討減租不果,人工又佔開支超過一半,但無論如何都會優先照顧員工。她又表示自己已無收入一年,「我嘅強積金洗咗一大半,我諗都捱唔到好耐,希望捱到今年。」問到派飯會否很重負擔,Cat姐指不關事,生意還生意,派飯是由善長捐錢,不算很重負擔。
有食客特地前來支持,「其實唔係幫襯過好多次,因為唔係住附近,上網見到呢度告急,所以過嚟幫襯。」亦有光顧十多年的老街坊指,「如果真係結業會覺得好無奈,街坊會損失咗個地方,第六波都無得驚,最驚嗰兩年都過咗去。」
新年時YouTuber雪姨曾用基隆盆菜和酒店盆菜比較引起民憤,當時除了短片下架,跟基隆致歉外,她更曾說未來應該會為基隆「做返啲事」,用行動彌補。現在基隆有難,希望雪姨真的能夠兌現承諾幫幫手!

新聞有價 記者有格 $128保就業計劃
立即訂閱:https://channelchk.com/plan
撐Channel C請記者
一齊為民請命 抱打不平

😎Channel C 廣告推廣和媒體合作​!🤝
誠邀各商戶傾談廣告宣傳和合作推廣;
有意請電郵至:[email protected]

🔥「爆片爆相」返嚟喇!🔥
一經獨家採用將會獲得由網上零食店易買
送出$200元電子禮券!
報料:https://bit.ly/38XUGu7
爆片爆相