上星期Channel C報導過，有補習老師未經家長同意在IG公開與小朋友的合照，隨後我們又再收到與補習老師相關的投訴，指有人收取學費後玩失蹤，更疑似是慣犯。
是次投訴的苦主群多達10位家長，我們訪問了其中兩位A媽媽和C媽媽。A媽媽在1月份為兒子在網上徵中文補習老師，因而認識一位自稱是現職小學老師的Miss Lee。1月31日Miss Lee上門試堂，A媽媽認為她教得不錯，兒子很乖，寫字又漂亮，於是決定聘用。A媽媽指Miss Lee收費為$300 1小時，「佢話習慣一次過收10堂，每堂兩小時即$6,000，當日我就連試堂費過咗$6300畀佢。」但2月6日A媽媽發現自己感染了新冠肺炎，數日後Miss Lee都表示自己受感染，並指因為要與家人隔離而到博愛醫院門口坐。A媽媽當時很內疚，覺得是自己傳染她，於是在foodpanda訂購一些日用品給她，當時Miss Lee是有收貨，所以相信她的確身處博愛醫院。可惜至2月10日，就不能再聯絡上她，「Whatsapp、電話全部唔聽，咁我就知已經畀佢呃喇。」A媽媽直言今次是「鬼揞眼」，不能否認Miss Lee的教學方法了得，導致自己願意一次過繳付一大筆錢。
另外一位苦主C媽媽都有類似經歷，她是去年12月在fb找到Miss Lee，一樣自稱是現職小學教師，1小時收費為$345。雖然收費昂貴，但C媽媽同樣讚Miss Lee教得很好，而且曾經有畫畫老師上門教學，都是以預繳方式收費，所以當時覺得是很正常的事。C媽媽首先繳付了$6,900購買20小時的課堂，Miss Lee上門教了10小時，就再向C媽媽收費，「佢話通常都係預繳20個鐘，我得返10個鐘，就再同我攞多20個鐘嘅錢。」因為補得好，C媽媽沒起疑心，又再繳付$6,300。但1月因為爆發疫情，補習一度中斷，至2月尾C媽媽找Miss Lee想商討改以Zoom授課，就再聯絡不上她，Miss Lee更在2月26日離開一直與C媽媽聯絡的Whatsapp群組。Miss Lee至今仍欠C媽媽28小時未補，即$9660。
兩位媽媽都表示，從來不知道Miss Lee的全名，C媽媽指曾經問過，「當時我要過學費畀佢，就問佢嘅名，佢話因為係現職老師，唔方便講佢叫咩名，而個FPS就係佢表妹嘅電話號碼。」相比A媽媽和C媽媽提供的過數紀錄，她們都是轉賬至同一戶口，名字和電話號碼都一樣，所以懷疑該戶口不是Miss Lee所言屬於表妹，而是Miss Lee自己的戶口。
10位苦主家長開了群組，他們發現Miss Lee至少有三個不同的電話號碼，目前都停用或接不通。幸而，其中一位家長的小朋友指老師曾提及其名字叫李X儀，他們又隨即上網搜尋，發現葵涌區一間小學有位老師，姓名、外貌、鞋款等都十分相似，於是向該校發電郵查詢，A媽媽指學校有回覆，「佢無話係定唔係，淨係話涉及刑事，交咗畀負責嗰間學校嘅警長。」A媽媽亦即時致電該校，但校方指負責的行政主任正在放假，至4月6日才上班。A媽媽覺得事態嚴重，但校方仍愛理不理。
10位家長當然亦有各自報警備案，但A媽媽指每區的警察說法不一，「譬如灣仔警察話呢啲唔屬於刑事，因為佢有出現過，唔算行騙，九龍城警署又話係屬於行騙，係刑事，不過灣仔嘅警察話呢單，其實喺2019年已經喺九龍城開咗Case，警察話最快嘅方法係我哋去學校，見到佢就即刻報警，有軍裝過嚟就得㗎喇！」但A媽媽認為他們不是警察，難以要求該校做任何事，「我都畀埋間學校名，老師全名，其實警察問下間學校係唔係佢咪得囉。」但她指警方暫時未有任何消息。
這班苦主家長甚至向教育局作出投訴，但教育局回覆指因此事已報警，為了不擾亂警察調查，教育局暫時不可以聯絡涉事學校。因此家長們才覺得無計可施，找傳媒協助。A媽媽其實都認為難以取回費用，「嗰啲錢都預咗無，但係好似畀佢逍遙法外囉，幾年咁樣不停呃唔同人，而家我哋都搵到佢喺邊間小學教，咁學校最起碼都check佢2月頭有冇中過新冠、佢個名、佢嘅相，其實唔會唔知㗎嘛講真，如果真係佢嘅，最基本叫Miss Lee聯絡返我哋交待返件事，依家好似就無可奈何，畀佢有機會再去呃人囉！」Channel C有就事件向涉事學校查詢，回覆同樣指已交警方跟進。Channel C在此奉勸各位家長，無論買甚麼，在預繳一大筆錢之前真是要想清想楚，選擇合理的付款方法。
