嘮動新聞

性感女Kianna密實現身解鎖林寶 真車主護花解畫:宣傳效果係屎窟撞棍

出版: -觀看次數: -
性感女、林寶跑車、沙田第一城,到底會擦出甚麼火花?這幾日網上瘋傳的影片圖片,迅速成為城中熱話。話說周四(17日)網上瘋傳一名低胸短裙性感女,站在「粉紅的林寶跑車」面前,在沙田第一城一面無奈。
【新聞有價 記者有格 立即訂閱:https://bit.ly/3wGQh7c
事隔幾天,Kianna昨日(19日)現身贖車。
事隔幾天,周六(19日)事主終於現身贖車,不過這時性感女的影片已經街知巷聞,她本身亦已被網民極速「起底」。原來性感女芳名叫做Kianna,網傳她不僅在Instagram上不介意大曬吸晴相片外,更加是一名古箏老師。
沙田第一城素有鎖車「效率第一」之稱,原本有網民提議,周六駕車到第一城,來個「鎖車Challenge」,不過網民只有提議,出現的人就沒有蹤影。
Kianna聯同據稱是公司同事的陳先生,周六下晝現身第一城贖車。陳先生嘆三架公司的車輛遭連環鎖車,「$960蚊,真係好均真,以為佢(Kianna)會交多啲。」陳先生贖車雖然要破財,但並沒有直接責怪第一城鎖車隊,「鎖車係好正常嘅事」,陳生解釋 Kianna 平時不是經常駕駛,被鎖的車輛是他的,「佢就諗住揸返架車俾我,咁就路經呢度買支水,佢出番嚟呢,見到咁快鎖了車,佢有啲愕然、有啲驚,因為佢未試過俾人鎖車。」
陳生解釋Kianna路經沙田第一城買支水,出返嚟就見到鎖咗車,佢有啲愕然、有啲驚。
網民早兩日就指,林寶車身印滿Logo,到底這次封車是否故意「博出位」,又有網民質疑,人人都知道,「第一城鎖車有名『效率第一』」,陳生就解畫指,自己很少看網上「馬路的事」等群組,不知道第一城鎖車「天下第一快」,估計Kianna更加不知道。
陳生又說,覺得這樣 $320 元乘以三輛車的宣傳效果,是真的值得,「呢啲橋,你度都度唔到」,又形容今次Kianna遇上的鎖車是「屎窟撞棍」。二人向受影響的居民鞠躬致歉後,駕走林寶跑車,揚長而去。

新聞有價 記者有格 $128保就業計劃
立即訂閱:https://channelchk.com/plan
撐Channel C請記者
一齊為民請命 抱打不平

😎Channel C 廣告推廣和媒體合作​!🤝
誠邀各商戶傾談廣告宣傳和合作推廣;
有意請電郵至:[email protected]

🔥「爆片爆相」返嚟喇!🔥
一經獨家採用將會獲得由網上零食店易買
送出$200元電子禮券!
報料:https://wa.me/85264691456
爆片爆相