去年成為新科立法會議員的李梓敬，之前與其他建制派中人成立「《中國故事》KOL聯盟」，打算用Twitter向海外說好「中國故事」。不過，他就被facebook專頁「追蹤黨媒」發現，他的Twitter追蹤了多個「黃色」賬戶，部分更上載了裸露照片。
李梓敬的Twitter追蹤了2.9萬個賬號，Channel C唯有嘗試追蹤李的Twitter，再檢視這些「黃色」賬戶核實情況。可是，這些賬戶的Profile已沒有顯示「已被李梓敬跟隨」的字句，相信李梓敬已經取消追蹤這些賬戶。
李梓敬事後就在facebook表示，自己看完報道後真係「得啖笑」，說「為咗快速增長（增加）我哋Twitter 嘅 follower，我哋會大規模追蹤一啲 follow 咗同我哋立場相同帳戶嘅人。由於數量眾多，我哋 follow 嗰一刻，根本唔會逐個 check 呢啲account 究竟 post 啲乜。之後更加唔會考究呢啲 account post 乜嘢。」他續稱，「除非用人手逐個 check，拖慢我哋 Twitter 增長速度，否則都杜絕唔到有關嘅情況。」
他指，「一啲別有用心嘅媒體，一定會繼續用呢啲報道，嚟抹黑我哋。我哋問心無愧，日後會繼續用最快嘅方法，拓展我哋嘅網絡接觸率」。
