歌手Tyson Yoshi日前為新歌《1994》拍攝MV，更親到日本見證世界一級方程式賽車的震撼。而他將於今日（13日）起一連3日於尖沙嘴首度公開展示其私人珍藏的1994年復古跑車豐田MR2，大會更會免費派贈咖啡。
Tyson Yoshi日前到日本鈴鹿市欣賞世界一級方程式賽車的「2025賽季日本分站賽」，終由Oracle Red Bull Racing車隊的荷蘭藉世界冠軍級車手韋斯達賓（Max Verstappen）勇奪他今季的首個冠軍！
對於能近距離觀賞F1賽事，Tyson Yoshi表示：「雖然我平時鍾意揸跑車，亦都嚮往速度感，但我絕對係一位安全至上嘅駕駛者。今次能夠親眼目睹F1賽車嘅速度感，非常興奮，其實真係眨吓眼架車就喺你面前唔見咗，刺激程度媲美拍攝《1994》飛車場面。」
除了觀賞比賽外，Tyson Yoshi更親身入到賽道旁的裝備區近距離參觀，他指平時喺串流平台看紀錄片先會看到的paddock，真的估不到今次自己竟然有份親自「落場」，仲可以親眼見到世界知名的領隊同賽車手真人，及他們在開賽前的準備等等，成個體驗真是好不真實。
此外，Tyson Yoshi分享整趟旅程的收穫：「今次可以親身睇F1已經好夢幻，仲俾我可以見到我最鍾意嘅車隊同埋世界冠軍級車手Max Verstappen。我其實好鍾意Max手車，因為真係好快！」
此外，尖沙咀海港城港威商場中庭「BE 啡 CAFÉ」期間限定店將於4月13至15日免費請飲美式咖啡，仲會首度公開展示Tyson Yoshi私人珍藏的1994年復古跑車豐田MR2。而Tyson Yoshi於4月16日到現場出席活動。
