隨着MIRROR八月及九月休團期結束，12位「鏡仔」雖然未正式公佈有甚麼新動向，但成員們有份參與演出的劇集、電影已排好期陸續播出及上映，而盧瀚霆（Anson Lo）和鄭欣宜合作演出的拉閣音樂會，欣宜早前亦透露，有望於今年年底舉行。
【新聞有價 記者有格 立即訂閱：https://bit.ly/3wGQh7c】
事實上， MIRROR休團後讓工作走回正軌是必要的事，而12位MIRROR成員近日也不時會在社交平台「上水」，讓「鏡粉」抒解一下掛念之情。今日王智德（Alton）就在IG撰長文留下感言，表示相信要令一切變好是需要時間。
Alton繼上月22日在IG上載了一張藍天白雲相及寫下「藍天白雲總會在」今日他上載了一張攝於今年7月19日，亦即是MIRROR演唱會舉行前六天，他坐在排舞室地下拍攝的照片。Alton留言謂：「最近唔係一段容易嘅日子，並唔係想刻意地消失，而係因為有種寸步難移嘅感覺，郁 又怕被放大，唔郁 又怕大家擔心，唯一可以做嘅就係保持正念，好好照顧好自己，先可以再照顧其他人。」
之後，Alton又表示在照顧人及被照顧之同時，深深明白有口難言的感覺。「喺照顧人同被照顧嘅同時，深深明白嗰種有口難言嘅感覺，喺大家支撐着大家嘅時候，有一種照顧叫做 “耐心” “耐性”，我哋都相信要令一切變好係需要時間。之後好多嘢都係需要我哋大家分工合作，只要每粒齒輪都做好，我哋就可以一齊大步向前，有一位同事講過其中一句說話“要耐性、要努力、要善良。”做到，就已經好好。」不少網民看罷Alton的長文後都留言為他打氣，表示會一直等他們重新出發，而幾位MIRROR成員邱士縉（Stanley） 、陳瑞輝（Frankie）、江𤒹生（AK）、邱傲然（Tiger）、李駿傑（Jeremy）及、呂爵安（Edan）都有讚好他的留言。
