挪威籍國際頂級DJ及音樂製作人Alan Walker明日（6日）將在亞洲博覽館舉行音樂會，Alan在本周已帶同女友一同到港，到處欣賞香港景色。繼去完昂坪後，Alan Walker昨日又帶同女友一同去迪士尼樂園，玩到樂而忘返。網民對Alan Walker來港並將與MIRROR同台都感到期待，同時又有人提議Alan在香港可試試三餸飯，亦有網民覺得Alan 的一身造型，竟然認錯係「威威豬」！
Alan Walker在本周初已到達香港觀光，昨日一早就帶同女友遊迪士尼，二人玩了不少遊樂設施，如「蟻俠與黃蜂女：擊戰特攻！ 」、「鐵甲奇俠飛行之旅」、「星戰極速穿梭」、「森林河流之旅」、「迷離大宅」、「玩具兵團跳降傘」、「沖天遙控車」等。Alan見到Iron Man的1:1模型，更興奮得一齊合照，結果他們由朝玩到晚，幾乎唔捨得走。
不過Alan今日就要專心預備明天的音樂會，據知MIRROR今次會齊人上陣，為這位國際知名DJ任表演嘉賓，並會跟Alan一齊同台合唱。
