馮允謙（Jay）新歌《Take A Breath》是一首虐心情歌，MV班底陣容強勁，請來出爐金像獎最佳女配角的廖子妤（Fish）和電影《濁水漂流》導演李駿碩（Jun）來演出，Jay反而在MV中飾演一位旁觀者，看着男女主角Fish和Jun由拍拖到結婚，甚至到最後在酒吧共舞，作為離婚前最後一幕回憶。
【新聞有價 記者有格 立即訂閱：https://bit.ly/3wGQh7c】
Jay說：「過往MV我通常都係男主角，不過上次《給缺席的人唱首歌》和今次MV，我想以一位『說故事的人』嘅角度去表達，我喺MV演出唔多，加上今次《Take A Breath》內容比較沉重，所以MV特別邀請專業演員去演繹。」
雖然在MV亮相度不高，但Jay一直都在拍攝現場，他對求婚場面最感興趣，還搞笑問Fish，與滿面鬍鬚的Jun接吻有什麼感覺？Fish爆料：「我覺得個嘴有少少腫，佢啲鬍鬚拮咗入咗我鼻窿另一個領域。」Jun聽後反駁：「其實啲鬚係有回彈力，都會拮番我自己㗎！」
MV有甜蜜畫面，但鏡頭一轉便迎來男女主角分手一幕，全場氣氛變得沉重，他們為了「分手舞」跟排舞師反覆練習，Fish說：「剛才學咗兩個鐘，可能我份人比較急，老師話我冇跟住對手嘅節奏去跳，原來跳舞比我想像中難好多。」
隨着MV拍攝完成，Jay的假期正式啟動，超過一年沒見面的女朋友從加拿大來港，Jay今次專心做「男友本份」陪伴，Jay說： 「呢個小假期主要陪佢食嘢、做腳底按摩，哈哈！其實我想放一個更長嘅假期，飛去外地攞靈感寫歌。因為依家每日工作都好忙，就算有時間坐低，都未必可以投入寫到歌，所以希望明年放一個月長假，專心寫歌、放鬆，可能返加拿大探親或者去日本旅行。」
