喺《造星IV》上一輪60強升40強嘅比賽入面，A3組被foul、出名靚聲嘅 徐嘉蔚Emiko 早前喺YouTube post咗《剎那的烏托邦》嘅cover，而呢首就正正係當初佢被foul嘅曲目。
Emiko嘅YouTube頻道對上一次出片，已經係八個月前翻唱徐佳瑩嘅《失落沙洲》，今次再唱多次《剎那的烏托邦》，畀多個渠道大家欣賞吓佢呢把咁有味道嘅歌聲。有網民喺YouTube留言，話Emiko「牽動靈魂的聲線」萬中無一，仲話「香港既樂迷亦期待了這一把聲線很久」。另外就有人希望Emiko單飛發展，鼓勵佢唔好放棄追夢添！
值得一提嘅係，Emiko出局之後仍然好支持A組嘅前隊友。喺40強嘅比賽入面，Emiko就幫手為A2組嘅指定歌曲《無忘花》做鋼琴伴奏，睇得出A組女仔感情都幾深厚。
