洪嘉豪(KAHO)將於11月12及13日在西九文化區舉行首個個人演唱會《The Cycle Of… Kaho Hung Live 2022 》。竹翠公園露天場地容納7千人,等同紅館的三面台人數,現在連開兩場,KAHO說:「真係唔敢相信呀!第一次聽到腳都震埋。」對內部認購已爆滿,他說知道還有好多兄弟、朋友、屋企人未有門票。
【新聞有價 記者有格 立即訂閱:https://bit.ly/3wGQh7c】
在戶外開騷原來是KAHO的願望,他真心希望家人、朋友、兄弟及陪他成長的歌迷一齊來到現場,見證今次大日子,現在他最擔心是自己眼淺:「我剩係知我要堅強少少,唔好咁早喊囉。次次都會比歌迷感動到想喊。今次希望忍到啦。」
KAHO又說,自上次frenemy show已經開始操肌,不用開工的日子都繼續操練中:「唔係為騷唔騷肌,係覺得操咗之後個人精神,體力好咗,除唔除衫未知呀!11月都涼啦,到時入場睇囉,一定會有新驚喜比大家!」
早前KAHO為演唱會拍攝宣傳海報,為配合演唱會主題,他把春夏秋冬置於身上,七彩繽紛服裝,但臉上又有一滴銀色淚,原來那是他演藝路上的縮影:「好多嘢都係由一個循環組成,人生、愛情,我新歌《還原淚》都係講緊一個循環。今次想成個主題都圍繞開心歡樂,所以你見我身上都係七彩繽紛,但又有春夏秋冬循環縮影。」