林家謙昨日宣佈將加開本月27日場次，門票於今早開售，每人限買4張，雖然是「充滿希望的座位」表， 九成門票（約9,600張）全部公開發售，但仍然供不應求，早上10時開售後，不到1小時已經售去八成多門票，只剩單丁位，但歌迷仍舊不放棄，「一人之境」的單丁位都希望買到，至中午12時半全線售罄。恭喜林家謙！
【新聞有價 記者有格 立即訂閱：https://bit.ly/3wGQh7c】
昨晚《Summer Blues》來到第三場，林家謙請來方皓玟（小明）當嘉賓。兩人合唱《你是你本身的傳奇》及《All we have is now》。小明上台後發生小小意外，耳機故障，不過真的要為小明拍掌！厲害的她 ，雖然耳機聽不到聲音，淡淡定靠聽現場聲照唱，而且唱得非常好，並無人發現她耳機出問題，直到音樂部份，她才開聲叫家謙救她，「家謙你可不可以過來幫我搞搞佢？」現場觀眾還以為她只是耳機掛繩甩，家謙馬上過去幫忙，工作人員亦跑上台處理，小明耳機才回覆正常。
唱畢《你是你本身的傳奇》後， 小明對家謙說：「你用你的音樂，已經成為了香港的傳奇，你為香港寫咗好多好好嘅歌。帶畀好多人心靈上慰藉，我好proud of you ！家謙！你的音樂真係無處不在。我身邊有個同事，鍾意到你傻咗，日日來你紅館打卡……」家謙: 「佢呀，呃車位，呃飯錢……」小明：「你趕佢走啦！真係唔好意思」家謙：「聽日啦 ，聽日趕佢走，聽日我哋休息，都唔開……」
小明又話，好多人覺得家謙係一個要被保護生物，但佢唔認同，「我認知嘅家謙係一個截然不同嘅人，我舊年第一次開紅館，疫情之下請嘉賓好難。家謙好有義氣，我一打畀佢，佢就好有氣魄咁答我，可以嚟！你話我點可以唔愛你？又靚仔又有才華……我好似向你示愛咁添……哈哈，真心嘅！多謝你為香港做咁多好音樂，大家一齊加油。」繼而兩人手拖手唱《All we have is now》。
小明又話，好多人覺得家謙係一個要被保護生物，但佢唔認同，「我認知嘅家謙係一個截然不同嘅人，我舊年第一次開紅館，疫情之下請嘉賓好難。家謙好有義氣，我一打畀佢，佢就好有氣魄咁答我，可以嚟！你話我點可以唔愛你？又靚仔又有才華……我好似向你示愛咁添……哈哈，真心嘅！多謝你為香港做咁多好音樂，大家一齊加油。」繼而兩人手拖手唱《All we have is now》。
此外，昨晚家謙還請來黃妍（Cath）當嘉賓，合唱：《我心中尚未崩壞的部分》及Cath獨唱《世界痛吻我而我唱歌》。Cath在台上多謝家謙給予機會她上紅館唱歌，家謙笑道，「既然係你畀咗第一次我，你要好好盡情享受啦。」
