李佳芯（Ali）為慈善機構「耆智園」宣傳關注腦退化症的短片《伴》，正式在網上首播，這亦是Ali上載至其個人YouTube頻道首條短片。今次Ali身兼演員、導演、監製及編劇4個崗位，還碌盡人情卡邀請到資深導演兼演員張同祖飾演兩父女。
【新聞有價 記者有格 立即訂閱：https://bit.ly/3wGQh7c】
由於沒有製作經驗，Ali指今次一切由零開始，四出「拍膊頭」找幕後朋友幫忙，埋班初期曾經因為壓力太大而萌放棄念頭。她說：「初初以為慈善Project唔需要好多錢，所有嘢諗得太簡單，到叫人幫手做嘢時，發現要搵到合適嘅人做合適嘅崗位真係唔易，當下好徬徨無助，有時喺到諗我咁辛苦為乜呢？老實講我一蚊都冇收，既然唔係為賺錢，點解我要攞苦嚟辛呢？」幸好Ali最後找到電影編劇幫忙寫劇本，加上張同祖（祖哥）在幕前幕後也不遺餘力地幫忙，令Ali放下心頭大石。
祖哥已多年未有在幕前亮相，Ali今次成功邀請到祖哥飾演父親角色，可謂過五關斬六將：「我託朋友聯絡佢幫手時，佢唔知我係邊個，亦冇睇過我嘅作品，我Send資料畀佢後，過咗幾日見冇回音，我就膽粗粗約佢出嚟飲茶以表誠意，第一次見面佢已經畀咗好多劇本上嘅寶貴意見，最後見多幾次面後，終於打動到佢幫忙演出。」
Ali感激祖哥不但沒有計較酬勞，而且拍攝時無私分享執導經驗：「佢令我知道電影究竟係咩一回事，話畀我知對每個作品要求同高度，我喺佢身上睇到佢對電影每一份執著同熱誠，十分敬佩。」
Ali又透露，本來想舉行首映禮廣邀長者及傳媒好友欣賞，奈何疫情反覆不定，最後決定將首映移師到網上發布：「我諗深一層，我搞首映最多都係幾百人入場睇，但呢個Project受眾更多先會令成件事更有意思，最後選擇網上形式搞首播，大家都可以免費睇到，影響力先會更加大！」
