小肥假旺角麥花臣場館舉行一連兩晚《「撐」小肥演唱會》，昨晚尾場獲一眾好友陳志雲、方皓玟、鄭融、張紋嘉、鍾舒漫及江若琳與老公蕭唯展往捧場。
【新聞有價 記者有格 立即訂閱：https://bit.ly/3wGQh7c】
小肥以一曲《時光機》為演唱會揭開序幕，唱到《內外》時更介紹這是他的出櫃歌。小肥又在台上講在香港發展感受，用「仔依賴阿媽」來形容，而昨晚嘉賓有廖子妤（Fish）及陳柏宇，兩人還合唱《羅生門》。
之後小肥唱出《觸景傷城》時，更一邊唱一邊喊，不停用紙巾拭淚，台下觀眾即時大嗌「撐小肥」，他即有感而發謂：「好多謝小明（方皓玟）嘅曲，6號（RubberBand）同Tim Lui嘅詞，『當一切回歸安定』呢一句歌詞好觸動到而家嘅我。入行到而家好多風風雨雨，例如簽親嘅公司都會大震動，人生又經歷好多唔同問題，但又好多人令到我好感動，所以當一切回歸安定，我又重新適應。希望大家都頂住，你哋撐我時，我都撐你哋。」然後小肥隨即獻唱《寵物》，本來只在前段與小肥合唱《羅生門》的Jason，再被小肥召喚上台合唱。
小肥在完騷後表示，今次開兩場已「夠皮」，因為他已豁出所有，問到今次給自己多少分？他說：「大概85分，唔滿意仲有啲小甩漏同錯誤，個心唔知飛去邊，有時要顧住睇提字器又搞到分心。」提到他在台上喊，他坦言今次歌單上有很多歌也搞喊自己：「喊出嚟係好事，但又怕影響之後演出，但已經比預期中喊得少。」
