吳君如監製兼演出，加上鄭中基（Ronald）、梁詠琪（Gigi）和呂爵安（Edan）合演的電影《闔家辣》上映至今票房大賣，並創下2022年暑期港產片票房No.1佳績。君如日前特意舉辦慶功宴，宴請勞苦功高的台前幕後團隊出席，由於Edan因MIRROR正處於休團故未能出席，君如、Ronald和Gigi惟有攬住他的紙板合照。

【新聞有價記者有格立即訂閱：https://bit.ly/3wGQh7c】

《闔家辣》叫好叫座，君如在慶功宴上即宣布加碼再拍賀歲片，「而家準備原班人馬拍一套賀歲片，係關於打麻雀嘅，打牌係一個非常好嘅活動，有益身心，更可以防止老人癡呆，我哋三個要打多啲。」身旁的Gigi即笑問君如，Edan知道未？君如便笑道：「吓，我未話畀佢聽，可能未必係佢！」

為了率先感受《闔家打麻雀》氣氛，古天樂在慶功宴上帶領君如、Ronald、Gigi一眾藝人玩甩麻雀遊戲，大家齊齊甩牌甩中刻有「七億」的麻雀，寓意有個好兆頭。

君如又說雖然時間緊迫，但會爭取在2023年初上映《闔家打麻雀》，更有神秘巨星現身，她謂：「最想做到帶歡樂畀香港觀眾，依家要約齊四隻腳打牌好難，呢個係我嘅心願，因為本人非常之喜歡打麻雀。」

至於，《闔家辣》獲得好成績，君如指是預期之內，Ronald更直言：「我哋預計大收七億，現在只差六億幾。」君如稱：「今日真係好開心，呢部戲對我、所有演員、台前幕後嚟講係非常成功，而且有咁好成績，一於約齊大家食餐慶功飯。」