最近「香港夜繽紛」成為全城熱話，事實上香港從來都不乏夜生活，只要用心發掘，好多都值得推廣，就好似香港特色的「糖水文化」！

位於佐敦的本土小店糖水雄，經常推出新奇又古怪的新甜品及港式小食，新品「爆炸糖腸粉」同樣於網上引起熱話，你又有興趣試嗎？

【新聞有價記者有格立即訂閱：https://bit.ly/3wGQh7c】

「腸粉」及「爆炸糖」相信大家必定試過，但兩者混合在一起，是怎樣的味道，你又想試試嗎？佐敦的本土小店糖水雄最近就與Striking Popping Candy合作，將自家招牌小食「一樓一鳳腸粉」加入爆炸糖，推出最新產品「爆炸糖腸粉」（價錢39港元），每星期均會推出不同口味，而今日（9月27日）是榴槤口味的最後一天，星期六9月30日起將會推出另一款奶茶口味，如果想試奶茶味腸粉的朋友就萬勿錯過啦！至於口感方面，記者試食榴槤口味，建議大家灑上爆炸糖後即食，才會有爆炸口感，加上軟滑的腸粉，味道好有層次，而且真的有榴槤味，相當特別又搞鬼！

除腸粉外，怎少得最近人氣爆燈的「燒賣」！糖水雄最受歡又回頭率最高的產品，非「朱古力燒賣」莫屬！朱古力燒賣28港元8粒炸燒賣，燒賣上方再加入邪惡4寶，包括朱古力醬、砂糖、忌廉及煉奶，絕對卡路里爆燈啊。別以為「朱古力燒賣」味道會很怪，相反，記者試食後覺得出奇地「夾」，好想食完一啖接一啖，上癮度極高，但怕甜人士就可能會覺得偏甜。